成貓禮

今日係糖加鐵做成貓禮既日子.... 同老細講左遲返 (9lives勁近公司, lucky >w<) 一早call van仔送佢地去Dr Maggie度, 等佢開門, 因為CuteFPP公司好遠, 唔可以太晏返....



3個迫埋一齊, 好熱呀!



等開門時, 有位女士經過, 當然又係標準貓奴, 就同我搭訕, 又睇糖加鐵, 好開心咁傾左陣 ^^

到姑娘返工勒, 放低佢地就返公司.... 當然都好擔心究竟順唔順利啦.... 下晝3,4點姑娘打黎話3個都醒晒, 好活潑, 叫我可以隨時接佢地, 我當然一放工就衝上去Dr Maggie度接佢地啦!

去到姑娘話鐵鐵一醒左就大叫大跳話要返屋企, 姑娘個樣仲有d為難添, 果然係么仔! 巴閉! Dr Maggie太忙, 我又唔想等太耐, 所以另一位當值既女獸醫交帶左佢地既情況, 我就自己一個帶佢地返屋企....

返到屋企好活潑, 鐵鐵即時就KO左Tamama (; - ;)

(被KO既Tamama仲笑緊, 可能諗緊點復仇 XD)

CuteFPP放工之後就去左買"燈罩"/"喇叭", 點知只係買左一個o岩size, 搞左好耐, 買左magic tape去fix 2個大size既"喇叭"都係俾佢地整甩, 所以最終冇戴到.... OTL

終於可以一齊訓勒! \(>w<)/

Weekend最好既節目係咩? 當然係與貓同眠啦~
今日特登就佢地既午睡時間, 抱晒入房一齊訓! yea! 正! (>w<)b

幸福既爸爸~



我呢? 都幸福既, 只係冇人幫我影咁解 lor... ╮(╯﹏╰)╭

玩具檯

特別嗚謝Peter提供的comments m(_ _)m

爭寵

通常唔係萬千寵愛在一身的話.... 總有爭寵既時候....

今日moca好乖咁陪我o係書房做野, 坐o係我大脾度, 唔落地玩, 唔走上檯倒亂, 實在太令我高興!!!! >w<

好可惜.... moca入房冇耐, 鐵鐵就o係門外大叫.... 又嘈住要入房... 到鐵鐵都入房, 糖糖又o係出面叫... 但糖糖一入房, 要佢靜靜地陪住我做野根本係唔可能既事, 再加上可以入平時入唔到既房玩, 3個齊集既時候就變得情緒高漲, 必定會o係房入面跑跑跳跳, 你追我閃咁....

結果... 最後3個都被踢返出廳... OTL

四位勇士

2人搞左好耐, 終於用到水機, 我就o係廳中hea, 而CuteFPP就回書房工作.... 突然間聽到糖糖在餐檯下feee... 佢地搬左黎2個幾月都未聽過佢地o係屋企會feee野, 跟住好奇怪咁望過去, 就見到佢玩緊d野. 我再一直望, 佢從口度放o個個"玩具"落地, 點知o個個"玩具"竟然會自己郁!

我眼都突埋!!!! 跟住睇左一陣, 發現佢不停放佢落地又咬返, 鐵鐵仲跟o係佢身邊, 我覺得唔妥, 有毛深灰色又識郁既!!!! 我冇戴眼鏡, 唔肯定係咪老鼠, 因為好細隻, 就好似佢地平時玩既假老鼠咁, 跟住好驚咁大叫CuteFPP出廳確認係咪真老鼠.....

CuteFPP聽到, 即走出廳, 望左一陣, 確認真係老鼠!!! 我地兩個都好驚, 頭一次o係自己住既地方見到老鼠! 但冇計啦, 佢唯有硬著頭皮戴手套, 拎個膠袋去捉!

咁o岩當時有電話搵我, 就入左書房聽電話, 之後太驚唔敢再出廳, 就聽到CuteFPP講 : 糖糖, 你俾隻老鼠我啦, 乖啦~

(後來聽CuteFPP講, 糖糖將成隻老鼠放入口, 條尾伸左出黎fing fing下 >口<)

大約十零分鐘, CuteFPP終於捉到老鼠, 叫我快快手開門拎垃圾房鎖匙俾佢拎住個膠袋去掉....

最後... 原本噙日先清潔完屋企, 又要再將所有野用robot送我的消毒劑清潔一番.... OTL

要多謝呢4位勇士幫我解困!
CuteFPP很勇敢呢~ (>w<)/
壁紙下載 : 1024 x 768 / 1280 x 960 / 1280 x 1024

後記 : -
其實我係住22樓的, 仲要當日係廁所廚房2間房門同窗都閂晒, 只有廳開左窗... 而呢個窗係裝住$10網... 而當日捉到既老鼠只係2寸大, 所以我一開始以為係佢地d玩具!!!! 至於糖糖咬過老鼠, 我地當晚都即時幫佢地用消毒藥水抹身抹手腳同口!!!! OTL

Water Fountain

噙日收到老師為我從日本買回來的寵物用飲水器 (還附送糧兜!), 終於配到了適當的火牛, 可以讓他們經常喝到乾淨o既水!





基本上3個一見到新事物都好好奇, 還看了玩了好一會兒我才醒覺要拍照 XP

*因為沒有購買飲水器的專用墊, 所以他們經常把乾糧掉到地上再周圍踢, 最後沒有用到糧兜

為食貓

今天一大清早和CuteFPP到美食博覽會掃貨! 滿載而歸~~~~~
回來後, 3位檢察官即時對我地帶返去既野仔細檢一番 XD

一齊訓!?

同糖加鐵有一個甜蜜o既晏覺之後.... 發現鐵鐵午後都冇乜精神, 好擔心... 跟CuteFPP商量後, 便讓他們全都入睡房同我地一齊訓....

點知....入房之後3個都精神百倍, 又跑又跳, 睡意全消!! 不停追逐奔跑製造聲響之餘, 還不停地跳在我身上, 縱然我已經跟CuteFPP調位後, 都只會跳在我身上.... 15分鐘後, 我地終於忍唔住, 又趕返佢地出去....

究竟幾時先可以一齊訓呢? (; - ;)

外出記

糖加鐵已經4個半月大了, 是時候去打針了, 便約了Dr Maggie一大清早去替他們打防疫針. 昨晚買了新的貓袋, 把糖糖和moca裝在一起, 鐵鐵獨自留在另一個貓袋, 可能是只得一個貓在袋中, 比以往出街的時候更常叫. 到了9Lives, 開了半個袋好讓鐵鐵探頭看看出面的環境, 可能是太囂張地叫, 被三色貓女摑了一巴掌, 被迫再留在袋中 XD

打針的時候3個都算乖, 已經有2.xKG, 還是糖糖最重! 即時詢問了Dr Maggie何時適合做成貓禮, Dr Maggie話佢地已夠大個, 可以做了! 更約了時間...

為了替朋友的書取得城珠和603的簽名, 便到了藝穗會參觀一個為貓爭取權利的展覽. 場內的人看到我帶糖加鐵到場都很大反應, 紛紛替鐵鐵拍照 (唯一一個能把頭探出貓袋的貓) 後來鐵鐵被奶媽城珠以威嚴壓住他的囂張叫聲 XD

難得帶他們到中環, 便順便搭的士到住在西環的家姐家. 因為她很掛念糖加鐵, 我又希望糖加鐵對外出的印象變好, 所以便到了家姐家中. 她家有一隻貓貓兔"Jiu Jiu" (究竟有冇血源關係既呢? :P)

貓始終是肉食動物, 很擔心他們會傷害Jiu Jiu, 所以先把Jiu Jiu困在籠內觀察糖加鐵的反應. 奇怪的是, 他們只對Jiu Jiu的草很有興趣, 大口大口地咬起來 xD



可能他們自少便與人一起生活, 又轉過數過地方暫住, 來我家後, 客人更是絡繹不絕, 他們到了陌生地方也不怕, 還對Jiu Jiu很感興趣, 大概因為Jiu Jiu渾身是毛吧!



經過一輪的warm up, 家姐主動讓糖加鐵走入Jiu Jiu籠內!幸好沒有甚麼打鬥的意思!



這天我的日文老師還帶我送來了她替我在日本買的動物用飲水器!真開心!!!

大約4時便打道回府, 3個其實在家姐屋企玩到一半已經很累, 因為一早又出門, 整天都精神緊張, 鐵鐵更和CuteFPP一起在家姐家睡了片刻! 回到家中當然是倒頭大睡, 我們抱了3個入房同我們訓!第一次可以一齊訓啊!!! 真幸福 >w<

紙巾海

一早未醒來便聽到CuteFPP大叫.... 還要我即時出廳一看.....
原來先前滴在紙巾套上的白花油退去了.... 飯廳變了紙巾海 (T皿T)

糖加鐵沙龍

貓展

今天是第10屆貓展的舉行日子, 2年前剛買了相機的時候, 曾到過貓展拍照, 可是貓全都是被困在籠內沒精打采, 後來跟其他貓友談過了才知道貓展是購物入貨的好日子, 所以今天和CuteFPP 2人帶了2架"小型車仔"去掃貨!!

因為剛搬家, 很多時間都用在家事上, 所以今天並沒有太多時間看看比賽的貓和其他展品.... 花了2小時, 買了貓禁區, 貓樹, 鋁板, 數件玩具, 抓板, 抹貓紙.... 接近一千元!!! 但終於可以給他們一棵大一點的貓樹!

今天除了是貓展, 也是他們可於廳自由活動的日子! 在電線密集的地方和窗簾噴了貓禁區.... OH MY GOD!!!! 那不止是貓禁區啊!!! 也是人禁區呢!!! CuteFPP認為這個禁區的味足以媲美殺蟲水!!! XC====

因為天氣炎熱, 家中都是木地板, 又未能讓他們進入廁所享用涼快的浴缸, 所以買了鋁板給他們... 可是反應冷淡..... OTL 或者要轉贈給JiuJiu... /.\

至於一個冬甩型的玩具卻很受歡迎, 因為有一個球在冬甩內走動, 他們可伸小手抓那個球, 可是永遠都不能抓到球! 我可是看得很高興~ XD